Pa Dédé Amar (kadua ti katuhu) Kepala BP3 Wilayah IV, teu éléh gaya jeung “Si Boy Anak Jalanan”
majalahsora.com – Poé Saptu 6 Méi 2017, BP3 (Balai Pelayanan dan Pengawasan Pendidikan) Wilayah IV Dinas Pendidikan Propinsi Jawa Barat, nu dipupuhuan ku Pa Dédé Amar, ngayakeun kagiatan touring motor ka Pangandaran. Dijejeranana Turkini Roda singgetan tina Touring Aki-aki jeung Nini-nini Rékréasi Olahraga Sepeda motor.
Pa Dédé Amar, Kepala BP3 Wilayah 4 (kénca) nuju mingpin du’a, méméh miang ka Pangandaran
Kagiatan kasabit téh mangrupa kagiatan nu katilu kalina, méméhna kungsi ka Sumedang jeung Cidaun-Cianjur. Diiluan ku Kepala Sekolah SMA/SMK, staf BP 3 Wilayah IV, jrrd. Jumlahna mah kurang leuwih aya 100 pamilon.
Turkini Roda téh boga ajén nu luhung, salah sahiji tujuanana téh salian ti tazdabur alam ogé keur mageuhan tali silaturahmi, hususna di lingkungan BP3 Wilayah 4 Disdik Prop. Jabar
“Tujuan diayakeun Turkini téh salian ti tazdabur alam, refreshing ogé kanggo meungkeut tali silaturahmi, tur kebersamaan Kepala SMA/SMK nu aya dina papayung BP 3 Wilayah IV, nu ngawengku Kota Bandung, Kabupatén Bandung, Kabupatén Bandung Barat, Kota Cimahi sareng Kabupatén Sumedang. Edisi ayeuna mah miang ka Pangandaran, tur silaturahmi sareng BP 3 Wilayah 7. Pokona mah santéy, seueur lirénna. Teu maksa, pami nu kiat nya kana motor, pami nu teu kiat mah tiasa ka nu mobil. Pokona mah ulah dugi éléh ku Si Boy Anak Jalanan,” saur Pa Dédé Amar, bari imut.
Berangkatna ti SMA YAS Kota Bandung
Berangkatna ti SMA YAS, pukul 07.00. kira-kira aya lima motor tur dua mobil, nu berangkat ti éta sakola téh. Laju tepung deui jeung rombongan nu aya di Cileunyi, Nagrék Limbangan, Wado, Banjar nepi neruskeun perjalanan ka Pangandaran. Mulangna poé Minggu 8 Mei 2017.
Pa Dédé Amar, ngécéskeun yén ruhna dunya atikan téh kudu diwangun ku gawé bareng nu guyub, tali silaturahmi nu pageuh tur sapagodos ngamajukeun dunya atikan hususna di lingkungan Dinas Pendidikan Propinsi Jawa Barat! [MS]***
