Bapa E. Adung Sunarya, Kabag tata usaha SMKN 1 Kab. Cianjur
majalahsora.com, Kabupatén Cianjur – SMKN 1 Cianjur, atawa SMAKZIE Cianjur katelahna téh, salah sahiji sakola kelompok kejuruan bisnis manajemen favorit, nu aya di Kota Tauco. Pernahna di puser Kota Cianjur, kurang leuwih 1 km jarak ti Kantor Pemkab. Cianjur mah. Ecésna di Jalan Siliwangi no. 41, Sawah Gedé, Kecamatan Cianjur.
Dra. Yuyu Rusmanah, Waka Kesiswaan SMKN 1 Cianjur, panitia PPDB
Paket keahlianana aya; Akuntansi dan Keuangan Lembaga, Administrasi Perkantoran (Otomasi dan Tata Kelola Perkantoran), Pemasaran (Bisnis dan Pemasaran), Rekayasa Perangkat Lunak jeung Teknik Komputer Jaringan.
Drs. Suherman, Waka Humas SMKN 1 Cianjur
Dina taun ajaran ayeuna, sakola nu leubeut ku préstasi, tur aya dina apingan Dr. Dodin, salaku Kabid SMK Disdik Prop. Jabar téh baris nampa 540 siswa anyar keur 15 rombongan belajar.
Basa Majalah Sora nganjang ka ieu sakola nu di pupuhuan ku Pa Ajat téh, keur sibuk nampa siswa anyarna ngaliwatan jalur akademis ti tanggal 3 nepi ka 8 Juli 2017, harita dibagéakeun ku Pa E. Adung Sunarya, Kabag. Tata Usaha, Drs. Suherman, Waka Humas, tur Dra. Yuyu Rusmanah, M. M.Pd., Waka Kesiswaanana.
Kampus SMAKZIE Cianjur
Siswa anyar nu katarima ngaliwatan jalur non akademik aya 170 siswa, nu jolna ti jalur RMP jeung préstasi. Kabeneran di SMAKZIE Cianju mah, euweuh nu daftar ngaliwatan jalur MoU jeung undang-undang guru, sakumaha anu dijelaskeun ku Bu Yuyu, Waka Kesiswaan nu jadi panitia PPDB di ieu sakola téh.
Kagiatan PPDB akademik di SMKN 1 Cianjur
“Alhamdulillah sacara umum mah lancar, dugi ka dinten ayeuna Rebo, ping 5 Juli 2017, nu daftar ngalangkungan jalur akademik tos aya 576 urang. Pendaftaranana dibuka ti Senén ping 3 Juli dugi ka Saptu 8 Juli 2017, ti pukul 07.30 nepi ka 14.00,” saur Bu Yuyu, deui.
Kagiatan PPDB di SMAKZIE Cianjur
Tim panitia PPDB SMAKZIE Cianjur gé, miharep sistem PPDB téh bisa leuwih gampang aplikasina, tur lancar. [SR]***
