Pa Dédi Kusnadi, S.Pd. (kénca) Kepala SMPN 18 Kota Bandung
Sobat Sora, pareng silaturahmi ka SMPN 18 Bandung, anu perenahna di Jalan SMPN 18 Nomer 5 Bandung. Nepangan pupuhuna anu soméah daréhdéh ngabagéakeun, Bapa Dédi Kusnadi, S.Pd, M.M.Pd. Sora ngolongan di sajeroning obrolanana; Saur Pa Dédi program anu nuju dikeureuyeuh nyatana rumawat rohang sakola anu dina sawatara waktu ka tukang meunang bantuan. Di antarana bantuan laboratorium katut ka korsi-méjana, sarohang kelas digital, 40 unit tablét geusan ngahangkeutkeun latihan ngajar-diajar sacara digital.
Taman baca SMPN 18 Kota Bandung
Siswana keur anteng maca di taman baca nu bararesih
Ngawujudkeun sarana sound system di saban rohang kelas, anu saméméhna can aya. Magelarkeun kréasi seni siswa-siswi dina saban poé Jumaah jeung Saptu. Malahan kantos diliput ku TVRI, kitu saur Pa Dédi tandes. Kajaba ti éta ngupayakeun taman bacaan anu hégar tur matak betah dilengkepan ogé ku upaya nartibkeun garasi sepédah para siswa-siswi. Ngaronjatkeun vertikal garden sakurilingeun wawangunan sakola.
Kaayaan sakola
Petugas nu miara pepelakan di SMP 18 Kota Bandung
Anu nyongcolang mah saur Pa Dédi, nya éta ngalaksanakeun rénovasi masjid sakola dua lantéy. Donatur intina salasaurang alumni SMPN 18 anu jeneng di Bank Permata Syariah Jakarta. Berekah turun jariyah 75 juta. Saenggeus saméméhna nyimpen investasi ahérat saparangkat karpét, sababaraha unit Alquran katut ka unit sound system, bulan April 2015 ka tukang. Saur Pa Dédi mun seug dirupiahkeun mah kana opat likur jutaeun.
Kaayaan Masjid SMPN 18 Kota Bandung
Dina wacana ka payunna, dumasar jumlah siswana nya eta aya 1217 uran, bariss nambahna wangunan kelas. Pihak sakola geus ngararancang rék meuli lahan, kurang leuwih 500 méter pasagi sabudeureun aréa sakola. Gunana geusan mrogramkeun sakola sa-pluh/sip.
Sawatara ajuan anu geus disogrogkeun ka pusat, nyatana miharep ngoméan (réhab) rohang kelas lantéy dua. Tina asal tilu rohang kelas sa-lantéy kana tilu rohang kelas ogé 3 lantéy. Rarancang pangwangunan ka hareupna (taun anggaran 2016) geusan ngawangun wc (toilét) sakelas mal. Genep wc sayagian para siswa opat rohang keur para siswi-na.
Rohang guru
SMPN 18 dipercaya sabagé sakola panyimpenan soal-soal UN taun 2016, pikeun didistribusikeun ka sajumlahing sakola-sakola sabudeureunana.
Tablet bantuan ti Walikota Bandung
Salin ti éta ayeuna keur sumanget ngajukeun fasilitas jeung alat-alat kasenian. Dina poéanana jeung mingguanana dimaneuhkeun atikan karakter ku cara jumroh (Jum’at Rohani), doa bersama satacan kagiatan dialajar jeung duling(duta lingkungan).
“SMPN 18 diharepkeun jadi sakola anu pangnanjeurna, umumna di satatar Bandung, hususna pisan di wewengkon Bandung Tenggara.” Kitu harepan Pa Dédi Kusnadi.
Nuju ngadamel garasi sepedah
Ngeunaan préstasi, Sora ogé teu kaliwat ngolongan. Pa Dẻdi giak ngawaler, SMPN 18 kantos nyangking juara II CCL (Cerdas Cermat Lingkungan) Adiwiyata fair tingkat Kota Bandung, tanggal 27 Pébruari 2016. Sawatara dina préstasi olah raga mah, SMPN 18 unggul tur nyongcolang dina voli.
Pa H. Bambang Setiyono, Waka. Kesiswaan
Ieu yeuh sababaraha préstasi panganyarna, sakumaha pedaran Waka. Kesiswaan, Bapa H. Bambang Setiyono, S.Pd, nya éta: Juara I Bola Voli Putra Angela Cup XXXI, sa-Kota Bandung, Oktober 2015. Juara III Best Of The Best Category Peserta Lomba Regu Kibar Bendera Tingkat SD & SMP sa- Jawa Barat. Juara II voli Putra, SMPN 4 Cup Sa-Bandung Raya taun 2015, level kota (O2SN), hasilna dikirim ka tingkat provinsi, jrrd. [MS]***
