Patandang mata lomba administrasi perkantoran nu lumangsung di SMKN 3 Kota Bandung
majalahsora.com, Kota Bandung – Keur ngahangkeutkeun kompetisi sarta kamampuh siswa SMK dina widang keahlianana, ayeuna keur haneuteun ku Lomba Keterampilan Siswa atawa LKS hususna pikeun tingkat Kota Bandung. Saperti nu diayakeun di SMKN 3 Kota Bandung,nu dipupuhuan ku Dra. Hj. Euis Purnama, M.M.Pd. Lumangsung poé Rebo, ping 27 September 2017. Acarana dibuka langsung ku Euis, kepala sakola kasabit.
Patandang LKS tingkat Kota Bandung mata lomba akuntansi
Nu dilombakeunana téh pikeun widang keahlian bisnis manajemen, nya éta akuntansi jeung administrasi perkantoran. Peserta LKS mata lomba akuntasina diiluan ku 21 urang, nu jolna ti SMKN, 1, SMKN 3 SMKN 11, SMK Toha putra, SMK PGII, SMK Pasundan 1, SMK ICB, SMK LPPM RI, SMK Bumi Siliwangi, SMK AL HAdi jeung SMK Kencana. Dijurian kutiluan, profesional ti Ikatan Akuntansi Indonésia.
Aya duaan juri nu meunteun dina LKS mata lomba administrasi perkantoran
Nu dipeunteun dina widang akuntansi nya éta, ngerjakeun mayob, nya éta aplikasi komputer, ngasupkeun transaksi kana jurnal, siklus akuntansi, nya éta nganggeuskeun laporan keuangan tina AJP nepi ka nyusun laporan keuangan. Waktuna ti isuk-isuk nepi ka pukul salapan peuting.
Laju pikeun mata lomba administrasi perkantoran patandangna aya 16 urang ti SMKN 1, SMKN 3, SMKN 11, SMK PAsundan 1, SMK ICB Cinta Niaga, SMK Prakarya Internasional jeung SMK AL Hadi. Dijurian kuduaan, saurang ti Ikatan Sekretaris Indonésia hiji deui ti ASPATI.
Salah sahiji patandang keur seurius ngerjakeun soal
Pikeun widang administrasi perkantoran aya salapan sub kompetensi, nya éta mengetik cepat, korespondensi, arsip, kas kecil, agenda kegiatan pimpinan, internet, persentasi ngaliwatan power point, bertelepon sarta ngokolakeun rapat. Keur mata lomba administrasi perkantoran gé waktuna akur ti isuk-isuk nepi ka peuting.
Patandang mata lomba akuntansi
“Insya Alloh, sanaos pelaksanaanana di SMKN 3 Kota Bandung, penjurianana mah nyepeng pageuh kana kajujuran sareng sportip,” cek Dra. Euis Purnama, M. M. Pd., salaku Kepala SMKN 3 Kota Bandung.
Juri LKS mata lomba akuntansi, jumlahna aya tilu urang ti IAI
Sabada juri meunteun pesertana laju diumunkeun harita kénéh nu meunangna téh. Unggal mata lomba dicokot tilu pinunjul. Ieu yeuh nu juarana téh pinunjul mata lomba administrasi perkantoran; pinunjul kahiji, Dinda Dania ti SMKN 3 Kota Bandung, pinunjul kadua Yunika Rizka ti SMKN 3 Kota Bandung, sarta pinunjul katilu hasil diraéh ku Ivana Reviani, SMKN 1 Kota Bandung.
Dra. Nining Rohana, Kaprodi Akuntansi SMKN 3 Kota Bandung
Sedengkeun keur mata lomba akuntansi ,pinunjul kahijin hasil diraéh ku SMKN 1 Kota Bandung, pinunjul kaduana ku SMKN 3 Kota Bandung sarta pinunjul katiluna ku SMKN 11 Kota Bandung.
Panitia internal, guru produktif ti SMKN 3 Kota Bandung, poto kénca ka katuhu; Arif, Dedeh, Anggun, Euis sareng Iwan
Engkéna nu hasil jadi juara kahiji baris ngawakilan Kota Bandung dina LKS tingkat Propinsi Jawa Barat nu lumangsung di Cirebon, pertengahan Oktober 2017. [SR]***
