PA Oténg Iman Wahyudin, Guru basa Sunda SMAN 13 Kota Bandung nu oge ngaping rubrik Diajar Aksara Sunda di Majalah Sora
majalahsora.com – Siswa SMAN 13 Kota Bandung, hasil ngaraéh genep piala, dina kagiatan pasanggiri Basa jeung Seni Sunda tingkat SMA/SMK sa-Kota Bandung taun 2017. Nu dialpukahan ku MGMP basa Sunda Kota Bandung, pingpinan pa Encep Ridwan, M.M.Pd., Guru basa Sunda ti SMAN 22 Kota Bandung. Lumangsung poé Juma’ah ping 12 Méi 2017 katompérnakeun. Tempatna di Kampus SMAN 15 Kota Bandung.
Aya dalapan mata lomba nu diabenkeunana téh, nya éta; pupuh, kawih, ngadongéng, maca warta, biantara, sajak, borangan (ngabodor nyorangan), jeung maca nulis aksara Sunda.
Dina kagiatan kasabit, Siswa SMAN 13 Kota Bandung suksés ngaborong genep piala, di antarana hasil ngaraéh juara kahiji kawih, wanoja, juara katilu kawih pameget, juara kahiji, jrrd. Leubeutna préstasi siswa SMAN 13 dina pasanggiri Basa jeung Seni Sunda taun 2017 téh, teu lésot tina pangdeudeul Kepala Sekolahna nya éta Pa Udin Saéhudin, S.Pd., M.Pd., sareng guru basa Sundana Pa Oténg Iman Wahyudin, nu ogé ngaping rubrik aksara Sunda di Majalah Sunda Sora.
Ieu yeuh daftar lengkep juara pasanggiri Basa Sunda ti SMAN 13 Kota Bandung téh: Cita Permata Sukma kelas X IPA 4, juara kahiji kawih wanoja, Akbar Darmawan, kelas X IPS 1, juara katilu kawih pameget, Fanny Marsela X IPS 2 juara kahiji pupuh wanoja, Siti Alifia Nurafifa, kelas Xi IPA 6, juara kadua maca nulis aksara Sunda, Yuniar Rohmatun Nisa X IPA 8, juara kadua ngadongeng wanoja, Dzikir Almatlubi X IPA 3, juara katilu ngadongéng pameget. [MS]***
