H. Dudi Rohdiana, S.Pd., M.M., Kepala SMAN 1 Katapang Kabupatén Bandung
majalahsora.com – Tanggal 10 April nepi ka 13 April 2017, SMA sa-kuliah Indonésia ngalaksanakeun ujian nasional hususna nu berbasis komputer, kaasup di SMAN 1 Katapang Kabupatén Bandung. Ieu sakola nu dipingpin ku H. Dudi Rohdiana, S.Pd., M.M., téh 100 % siap ngalaksnakeun UNBK taun 2017 ayeuna.
Ieu téh UNBK nu munggaranana pikeun SMAN 1 Katapanag mah, ti anggaangna mula, pihak sakola geus ngumplitan fasilitasna. Eta wé jumlah komputer nu awalna ukur 40 unit ayeuna geus aya 120 unit, nyiapkeun server tilu katambah cadangan hiji, ngabebenah instalasi listrikna, kayaning ngaganti kabel listrik, jrrd.
“Sateuacan aya launching SMA di Jabar kedah UNBK, harita ngalangkungan Pa Ahmad Hadadi, Kepala Dinas pendidikan Jabar, SMAN 1 Katapang mah ti sateuacanna gé mémang tos badé ngalaksanakeun UNBK. Salian ti éta badé ngalaksanakeun pangajaran berbasis IT. Janten sanés kanggo UNBK wungkul, tapi jaga fasilitas UNBK téh dianggo kanggo ulangan harian, uts, uas, usbn, jsté,” saur H. Dudi Rohidiana, Tandes.
Jumlah siswa SMAN 1 Katapang nu baris ngiluan UNBK taun 2017 aya 334 urang, ti jursan IPA jeung IPS. Engkéna baris dibagi di tilu rohangan. Kagiatanana di bagi tilu pluh. Isuk-isuk, siang jeung pasosoré.
Sangkan apal kana prakprakan UNBK nu saenyana, siswa SMAN 1 katapang geus sababaraha kali ngalaksanakeun latihan UNBK, kayaning TO jeung simulasi UNBK. Salian ti éta nyiapkeun proktor jeung téknisina. Samalah kungsi aya latihan pareum listrik sagala, éta téh keur nguji ups (bateré) nu nyimpen daya listrik dina server komputer nu aya di unggal rohangan. Salian ti éta keur nguji mental warga sakola dina nyanghareupan gangguan téknis. “Disagigireun latihan simulasi, sakola gé nyiapkeun latihan pareum listrik sangkan teu reuwas,” saur Pa H. Dudi, mungkas obrolan. [MS]***
