Drs. H. Lili Sukmana, M.M. Kepala SMK PGRI Kota Bandung
majalahsora.com – SMK PGRI Kota Bandung, pernahna di Jalan Kencanawangi No. 22 Cijawura. Ayeuna dipingpin ku Drs. H. Lili Sukmana, M.M. Ngawengku opat kompetensi keahlian, nya éta keahlian administrasi perkantoran, pemasaran, multimedia jeung nu pangaanyarna perbankan syariah.
Pa Hendri, Waka. Kesiswaan nuju ngecék kagaiatan simulasi UNBK SMK PGRI Kota Bandung
Akur jeung SMA/SMK di Kota Bandung lianna, taun 2017 ayeuna keur tatahar nyiapkeun siswa kelas XII-na pikeun nyanghareupan UNBK. Jumlah siswa nu rék ngiluan UNBK-na téh aya 96 siswa, ti kompetensi keahlian administrasi perkantoran, pemasaran jeung multimedia.
Komputer di SMK PGRI Kota Bandung kaasup boga kualitas nu hadé
Lamun nilik kana fasilitas komputer mah, SMK PGRI téh ti sababaraha taun ka tukang geus boga komputer nu representatif. Matak mangsa ku Dinas Pendidikan Propinsi Jawa Barat, sangkan ngalaksanakeun UNBK téh, geus siap. Jumlah komputerna kurang leuwih aya 32 unit. Lamun jeung cadangan mah kira-kira aya 40 unit jumlahna téh, kaasup pc jeung laptop.
Kaayaan kagiatan simulasi UNBK serentak sa-Indonésia di SMK PGRI Kota Bandung, tanggal 7 Maret nepi ka 8 Maret 2017
Nepi ka tanggal 7 Maret jeung 8 Maret 2017, geus ngalaksanakeun simulasi UNBK serentak nu katilu atawa pamungkas. “Alhamdulillah sacara kaseluruhan mah teu aya masalah. Kumargi SMK PGRI parantos kagungan komputer tur jaringan nu nyekapan. Mung perkawis listrik wungkul, tegangan ti PLN-na sok naék turun. Matak sok ngariset, kanggo sababaraha komputer klien/siswa. Hawatos janten kaganggu, mudah-mudahan dina prak-prakanana mah henteu kitu,” saur Pa Lili, Kepala SMK PGRI Kota Bandung di rohang damelna.
Simulasi UNBK di SMK PGRI Kota Bandung dilaksanakeun sacara tilu pluh/sif, kitu ogé engké mangsa UNBK nu saenyana
Keur meupeuskeun éta masalah, SMK PGRI Kota Bandung langsung meuli gensét, nu bisa ngamalirkeun tegangan listrik, leuwih ti 5000 watt. Harepan ieu sakola mah miharep mangsa prak-prakanana UNBK, PLN bisa mantuan, pangna keur tegangan listrikna sangkan stabil. [MS]***
