Drs. Endang Rochman, M.M.Pd, Kepala SMPN 3 Kota Bandung
Sobat Sora, urang silaturahmi ka SMPN 3 Kota Bandung, anu dikepalaan ku Drs. Endang Rochman, M.M.Pd. Pupuhu anu seneng badminton, jeung ngojay (renang) sarta mireueus kana perjoanganana wakil presidén RI munggaran, Moch. Hatta. Landep kana bacaan-bacaan tata kelola alias buku-buku manajmen. Kawitna kantos mupuhuan di SMPN 43.
Pa Tursino, S.Pd, Waka. Kesiswaan
SMPN 3 anu perenahna di Jalan Déwi sartika 115 nyoko kana tatapakan “sekolahku bersinar” mibanda harepan sangkan unggul turta nyongcolang dina sagala widang. Hal ieu dibuktikeun ku préstasi-préstasina anu kaitung nyongcolang pisan, sakumaha anu diécéskeun ku Waka. Kesiswaan, Bapa Tursino, S.Pd sareng guru PLH ngarangkep anggota tim adiwiyata, Ibu Indira Tresnawati, S.Pd.
Bu Lis Rohaéti, S.Pd, Guru basa Sunda & Pembina Pramuka SMPN 3 Kota Bandung
Préstasi nya éta: Erlangga, juara renang tingkat Kota Bandung, ngahasilkeun 2 emas jeung 2 pérak, ngawskilan ka Tingkat propinsi Jawa Barat. Juara debat tingkat Kota Bandung atas nama siswa M. Ramdan Fikri geusan diancokeun keur ngawakilan tingkat Propinsi jawa Barat (02SN), 1 April 2016. Juara I ngarang puisi tingkat Kota Bandung. Juara III Paskibra tingkat Kota Bandung. Juara I tari kréasi anu diayakeun di ISBI Buah Batu. Juara taé kwon do tingkat pemula sa-Jawa Barat, nyangking medali pérak atas nama Pazadika kelas VIII-I, Riza nur Azhar kelas VIII-G, nyangking medali perungu.
Ibu Indira Tresnawati, S.Pd, Guru PLH & Tim Adiwiyata SMPN 3 Kota Bandung
Program séjénna nya éta ngahangkeutkeun ékskul pramuka. Program penyuluhan kanker servik gawé bareng jeung Puskesmas Pasundan. Program kantin séhat (warung berséka), salah sahijina program teu ngajual inuman anu ngandung soda turta nu nyepeng kantinna dikudukeun maké sarung tangan standar kaséhatan. Gawé bareng jeung pihak kapulisian geusan ngaantisipasi sumebarna narkoba jeung mahabuna géng motor, sakaligus nyeponsoran pénsi (péntas seni).
Kaayaan sakola
Siswa siswi SMPN 3 Kota Bandung, siap nyeungitan ngaran sakolana
Tim tari & pelatihna
Koleksi piala SMPN 3 Kota Bandung
Dina kagiatan tatahar adiwiyata keur tingkat propinsi, dibentuk masing-masing garapan Tim Apel (anak peduli lingkungan). Pelatihan téhnik ngabinihkeun (pembibitan) anu diwengku ku 50 siswa-siswi jeung 6 guru pembimbing, gawé bareng jeung Dinas Pertanian UPT Pasirluyu. Kagiatanana nya éta ngabibitkeun toga (tanaman obat keluarga), tutuwuhan hiasan (tanaman hias), hydroponik (tutuwuhan anu dipelakna henteu dina taneuh, kayaning dina cai, dina huut badag atawa dina tai ragaji/bubuk kai) ogé tutuwuhan lalab lumbrah (sayuran) konvénsional tabulampot (tanaman buah dalam pot). Teu nutup kamungkinan ka payunna baris mrogramkeun melak paré dina pot, kitu saur Bu Indira.
Green house SMPN 3 Kota Bandung
Tim Adiwiyatana aya rencana melak paré dina pot (gambar tina internét)
Program saterusna ngayakeun Bank Sampah, runtah palastik jeung keretas. Diupayakeun para siswa-siswi setor runtah dina saban poéna sarta sabisa-bisa marawa wadah sorangan ti imahna séwang-séwangan boh cepuk boh botol cai inuman. Hal ieu penting sangkan para peserta didik bener-bener sadar kana kamangpaatan runtah saupama dipatéahkeun kalawan hadé tur daria. Disagigireun tangtuna ngaantisipasi nerekabna runtah patulayah. [MS]***
