Drs. Dédi Suryadi, M.M.Pd., Kepala SDN 052 Cisaranten Wétan Gedébagé Kota Bandung
majalahsora.com – SDN 052 Cisaranten Wétan Gedébagé Kota Bandung asup ka Gugus 26, pernahna di sabudeureun Jalan Gedébagé, Kelurahan Babakan Penghulu, Kecamatan Cinambo. Ayeuna jumlah muridna kacatet kurang leuwih aya 923 urang. Jumlah Guru tur karyawanna mah kira-kira aya 45 urang.
Drs. Dédi Suryadi, M.M.Pd., Kepala SDN 052 Cisaranten Wétan Gedébagé dipoto sareng Guru ieu sakola
Drs. Dédi Suryadi, M.M.Pd., nu janten Kepala Sekolahna téh, anjeunna mancén tugas ti April 2015. Méméh mingpin SDN 052 Cisaranten Wétan Gedébagé téh, kungsi janten Guru di SDN Mekargalih Kota Bandung ti taun 1997 nepi ka taun 2012. Laju ngepalaan SDN Ujung Berung 1,4 jeung 5 Kota Bandung ti taun 2012-2015.
Rohang Guru
Saprak Pa Dédi mingpin di SDN Cisaranten Wétan Gedébagé, geus réa parobahan, utamana sacara pisik, ngeureuyeuh ngabebenah kaayaan lingkungan sakolana. Tujuanana mah sangkan proses diajar mengajarna téh nyaman. Salah sahijina mageran sakuriling bungking sakolana, alatan sakolana téh jadi jalan paliliwatan warga nu aya di tukangeun sakola. Mangsa réngsé kagiatan KBM sakolana aman taya warga nu bisa asup ka buruan kelas ieu sakola, méméhna mah teu kitu.
Kaayaan sakola
Lamun nilik kana fasilitasna mah kiwari ieu sakola téh geus boga 14 rohang kelas, rohang UKS 1, rohang Guru 1, rohang Kepala Sekolah nu keur dibebenah, wc siswa 7, wc guru 4, mushola 1, lapang olahraga sakalian lapang upacara, jsté. Asup sakolana dibagi dua pluh isuk-isuk jeung beurang. [MS]***
