H. Nandang Supriatna, Kepala SDN 004 Cisaranten Kulon Kota Bandung
majalahsora.com – SDN 004 Cisaranten Kulon Kota Bandung, ti mimiti April 2017 dipingping ku H. Nandang Supriatna. Anjeunna téh kantos janten Guru di SDN Banjarsari Kota Bandung salami 12 taun. Lajeng diangkat janten Kepala SDN Margaasih Kota Bandung ti taun 2012-2015, mangsa taun 2015-2017 ngalih tugas janten Kepala SDN Margaasih Kota Bandung.
Kaayaan rohang Guru
Kaayaan di kelas
SDN 004 Cisaranten Kulon pernahna di Jalan Cisaranten Kulon No. 129, Kelurahan Cisaranten Kulon, Kecamatan Arcamanik. Kacatet ayeuna jumlah guruna aya 29 urang sarta jumlah siswana aya 538 urang. Lamun nilik kana fasilitasna, boga 10 rohang kelas, lapang olahraga nu ngahiji jeung lapang upacara, pabukon hiji, rohang kepala sekolah hiji, rohang guru hiji, mushola hiji, rohang UKS hiji, jsté.
Koleksi piala SDN 004 Cisaranten Kulon Kota Bandung
SDN 004 Cisaranten Kulon jaga wangunana bisa ditilu lantéykeun
Jam diajarna dibagi dua pluh, isuk-isuk jeung pabeubeurang. Salah saurang Guruna nya éta Pa Zulkarnaen miharep siswa SDN 004 Cisaranten Kulon téh rempeg bisa asup isuk-isuk kabéh. “Mudah-mudahan atuh aya perhatosan ti pamarentah Kota Bandung, ngalangkungan Dinas Pendidikan Kota Bandung, tiasa ngarélisasikeun sangkan SDN 004 Cisaranten Kulon dingawangun ieu sakola janten tilu lantéy,” saur Pa Zulkarnaen, salah saurang guruna. [MS]***
