DR. H. Ahmad Hedadi, M.Si., Kepala Dinas Pendidikan Propinsi Jawa Barat (katuhu), basa nyarengan Pa Ahmad Heryawan, Gubernur Jawa Barat di SMAN 3 Kota Bandung & SMAN 5 Kota Bandung
Bandung – Kamis 2 Pebruari 2017, dina sela-sela ngaréncangan Pa Ahmad Heryawan, Gubernur Jawa Barat di SMAN 3 & 5 Kota Bandung, Majalah Sora hasil ngawawancara Kepala Dinas Pendidikan Propinsi Jawa Barat Dr. Ir. H. Ahmad Hadadi, M.Si.
Patalaina jeung kagiatan UNBK taun 2017 ayeuna, Pa Ahmad Hadadi, ngajéntrékeun yén SMA jeung SMK negeri swasta nu aya di Propinsi Jawa Barat, siap ngalaksanakeun UNBK (Ujian Nasional Berbasis Komputer). Kurang leuwih aya 1800 sakola, nu sumebar di 27 kabupatén jeung kota.
Pa Ahmad Hadadi gé, umajak ka SMA jeung SMK nu ngalaksanakeun UNBK, mantuan sakola (SMP, SMA, SMK) nu kawatesan ku fasilitasna. Kudu silih bantuan, alatan jadwalna teu sarua. Anjeunna tos masihan surat édaran, nu eusina kudu ngadeudeul kagiatan UNBK.
“Insya Alloh langkung ti 80 persen SMA sareng SMK di Jawa Barat siap ngalaksanakeun UNBK. Ti ayeuna Dinas Pendidikan Propinsi Jawa Barat nuju tatahar tur koordinasi sareng kabupatén kota, kanggo kalancaran kagiatan kasabit. Salian ti éta aya sababaraha sakola nu kirang fasilitas komputer sareng sajabina, tiasa ngiring di sakola nu fasilitasna kumplit. Sim kuring tos masihan surat édaran ka unggal sakola kanggo berkoordinasi. Salian ti éta pami aya MA (Madrasah Aliyah) nu badé gabung gé manga, sanaos aya dina papayung Departemen Agama. Pokona mah nu nambut fasilitas teu kedah mayar, geratis,” saur Pa Ahmad Hadadi. [MS]***
