Tim Persib keur latihan di Lapang Méngbal Lodaya Kota Bandung
Lodaya majalahsora.com – Pelatih Persib Bandung Pa Jajang Nurjaman Langsung mingpin latihan di Lapang Méngbal Lodaya (Rebo 1 Pebruari 2017).
Sapoé saméméhna anjeunna kakara mulang ti Thailand, satutas ngiluan kursus kepelatihan, dina raraga ngahontal lisensi pelatih A AFC. Kurang leuwih sabulan campleng di nagri Gajah Putih-na téh.
Anjeunna ngahaja, hayang geura nyusun strategi, nilik kana waktu mah helaran Piala Présiden téh ukur kana itungan poé.
Persib salaku tuan rumah grup 3 jeung juara bertahan Piala Presiden, ngahiji jeung PSM Makassar, Persiba Balikpapan sarta Persela Lamongan. Engkéna bakal maén di Stadion Si Jalak Harupat, Soréang, Kabupatén Bandung. Mitembeyan maénna tanggal 6 Pebruari 2017, ngadu jajatén jeung PSM Makasar. [MS]***
Poto Persib latihan di Lapang Méngbal Lodaya Rebo 1 Pebruari 2017:
