majalahsora.com – Pamaréntah Propinsi jawa Barat umajak tur ngondang ka balaréa, dina kagitan itikaf 10 poé terahir Romadhon 1438 H. Tujuanana pikeun ngamakmurkeun Masjid Al Muttaqin, nu aya di Gedong Sate Bandung.
Kepala Bagian Publikasi Setda Jabar, Bapa Adé Sukalsah, nétélakeun kagiatan itikaf téh dialpukahan Ku Pemprop. Jabar gawé Bareng jeung Yayasan Pondok Qur’an Bandung. “Miharep Masjid Al Muttaqin nu aya di lelewek Gedong Saté téh tiasa ma’mur. Pamilonna ti padamel Pemprop sareng masarakat umum. Masjidna representativ, kagiatanana terbuka kanggo umum. Sumangga tiasa ngajak singsaha baé, hususna barudak sakola anu parantos péré sakolana. Kagiatan itikaf téh salah sahiji revolusi mental ala Pa Gubernur Jawa Barat,” pokna.
Di masjid nu bisa ngawadahan 700 jamaah téh, panitia baris nyadiakeun tuang Shaur, geratis. Ngan méméhna kudu konpirmasi heula, ka pengurus DKM. “Imam-imam nu mingpin qiyamullail-na ti Pondok Qur’an,” saur Pa Adé téh.
Salian ti éta, dina sapeuting qiyamullail, baris namatkeun sa-juz Al Quran, dilaksanakeun ti pukul 01.30.
“Hayu urang sasarengan ngamakmurkeun Masjid Al Muttaqin. Panitia tos nyiapkeun tempat parkir nu nyaman tur laluasa, alatan kaayaan Gedong Saté nu lalega. Insya Alloh kaamanana gé kajaga, katambih aya cctv,” pokna deui.
Kanggo informasi nu langkung écés, calon jamaah tiasa ngontak:
– Rahmat 0812 2419 599
– Yudi 0813 2111 5251
– Hasan 0878 2347 2268
