Drs. Iwan Setiawan, Kepala SMAN 17 Kota Bandung.
Babakan Ciparay – Sobat Sora, Senén tanggal 1 Agustus nepi ka Kemis tanggal 4 Agustus 2016, di SMAN 17 Kota Bandung lumangsung kagiatan pelatihan ESQ. Diiluan ku 324 siswa anyar, perwakilan OSIS sarta perwakilan ti ektrakurikulér. Peserta kagiatanana dibagi dua, nya éta 175 urang per-sésina. Dina sa-sési méakeun waktu dua poé ti isuk-isuk nepi ka pasosoré.
Salah sawios pemateri ti ESQ.
Tujuan kagiatan ESQ téh luyu jeung judul di luhur pikeun ngadeudeul program Pa Ridwan Kamil, Walikota Bandung, nya éta numuwuhkeun 20 karakter baik nuju Bandung Masagi. Sobat Sora, geus pada apal kan, naon Bandung Masagi jeung 20 karakter baik téh? Pikeun nu can apal Bandung Masagi téh, ngawengku opat komponén, nya éta religi, budaya Sunda, lingkungan jeung béla negara. Ari 20 karakter baik téh: jujur, berani, percaya diri, tangguh, peduli, sadar diri, tekun, adil, toleran, disiplin, mandiri, kritis, inisiatif, kreatif, ramah, bertanggung jawab, sederhana, sabar, kooperatif jeung cekatan.
Pa Suprijadi, S.Pd., S.Si., Waka. Kurikulum.
Méméh prung lumangsung kagiatan pelatihan ESQ, Drs. Iwan Setiawan salaku Kepala SMAN 17 Kota Bandung téh, ngulem sepuh siswa kelas X dina raraga ngabéwarakeun tur ngadadarkeun tujuan jeung mangpaatna kagiatan kasabit. Alhamdulillah papada ngarojong. Satutas ti dinya para sepuhna nyerat harepan aranjeunna ka pala putrana, salami nyuprih élmu di SMAN 17 Kota Bandung. Engkéna dina ahir acara penutupan ESQ (per sésina orang tua siswana diulem sumping dina kagiatan pelatihan).
Kang Yendra Muhammad Pamungkas, anjeunna kalebet 50 méntor nu nyangking lisénsi ti Bapa Ari Ginanjar.
Aya sababaraha fasilitas keur pamilon nu dibéré ku pihak sakola jeung panitia dina kagiatan ESQ téh, pamilonna dibéré alat sholat pikeun nu muslim jaung alat ibadah pikeun nu non muslim. Salian ti éta aya kagiatan botram bareng jeung wali kelasna, dina raraga ngaraketkeun kakulawargaan.
Pa Asikin, Waka. Kesiswaan.
Pematerina aya Kang Yendra Muhammad Pamungkas, anjeunna kalebet 50 méntor nu nyangking lisénsi ti Bapa Ari Ginanjar, nu ngadegkeun lembaga ESQ 165. Eusi materina di antarana: Inner Journey, Mengidentifikasi emosi dan mengenali suara hati diantaranya ada 99, yang kita bahas nilai (suara hati) jujur, tanggung jawab, visioner,disiplin, kerjasama, adil dan peduli. CEO Character dan ZMP (Zerro Mind Process), Rahasia sukses pemimpin dunia yaitu pemimpin yang mengeluarkan suara hati, misalnya jujur, tanggung jawab, visioner,disiplin, kerjasama, adil dan peduli. Untuk aplikasinya nilai-nilai itu sulit muncul karena belenggu, mengenal belenggu dan membersihkan belenggu sehingga nilai-nilai itu bisa kita munculkan, jrrd. Materina ditepikeun sacara santéy tapi serius, éta wé basa Majalah Sora ngabandungan acarana.
Sakabéh hal di luhur keur ngipuk rasa hormat ka sepuh sareng guru, wanoh ka papada babaturanana, lain ukur wawuh munding, jeung réa-réa deui. Ogé nga-afirmasi para siswa sangkan bisa ngahontal cita-citana. Carana ditancebkeun sacara serius dina ati sanubari kahayang nu baris dihontal, laju divisualisasikeun, dirarasakeun nepi ka panceg. Contona lamun urang hayang jadi dokter, terus afirmasikeun, kedal ucap urang hayang jadi dokter terus sing yakin, ulin ka dokter, laju feeling urang kudu kuat.
“Nu mangaruhan tumuwuhna karakter nu saé téh aya tilu, nya éta kecerdasan intelektual, emosional jeung spiritual. Disagigireun éta aya ogé nu mangaruhanna téh, nya éta kaahlian sareng pengetahuan, mung peréntasena ukur 20 peresén, nu 80 peresénna mah pangaruhna tina kalakuan urang. Ku kituna payus pisan pami 20 karakter baik téh nanceb dina ati sanubari para siswa SMAN 17 Kota Bandung. Jaga siswana jadi siswa nu pinter tapi cinta ka Alloh SWT tur kuat nyingharepan badéy masalah,” saur Kang Yendra.
Salian ti siswa anyar, perwakilan OSIS jeung perwakilan ekstrakurikuler, rencanana pelatihan ESQ baris ditepikan ka sakabéh siswa kelas XI jeung XII. Komo siswa kelas XII mah penting pisan, utamana dina nyanghareupan UN (ujian nasional), sangkan jadi peserta UN nu jujur. Teu tinggaleun para guru jeung karyawanna baris diilukeun.
“Bapa kalebet alumni ti pelatihan ESQ, munggaran ngiringan basa taun 2004. Harita Bapa masih ngawulang janten guru di SMAN 18 Kota Bandung janten tatib. Basa éta Bapa sok ngahukum siswa anu badeur, bari jeung hayang nakol, pokona mah condong getas harupateun (mudah marah). Satutas ngiring ESQ mah, Bapa téh lamun nyeuseulan siswa badeur téh tos teu kitu, condong langkung bari nyaah sangkan robah jadi bageur. Minimal ku kecap kunaon bageur, kunaon kasép geulis jeung salian ti éta. Terakhir Bapa ngiringan pelatihan ESQ deui Méi 2016. Satutas éta bapa kagagas ngayakeun pelatihan ESQ di SMAN 17 Kota Bandung. Ayeuna mah waragad kagiatan téh ditalangan ku sakola. Ku kituna dipiharep siswana ngiring pelatihanana sacara soson-soson, da teu geratis. Tangtos sagala program nu saé téh teu lesot tina waragad. Sakola miharep para sepuh siswa ngadeudeul SPP sareng DSP-na, kanggo kalancaran program sakola. Uwih deui kana pelatihan ESQ, bapa miharep siswa SMAN 17 Kota Bandung jadi siswa nu soleh soléhah. Aminnn,” saur Drs. Iwan SetiawanKepala SMAN 17 Kota Bandung, nyawang harepan. [MS]***
