Michael Learns To Rock= Michael diajar jadi batu. Duh mendi watir euy jiga Malin Kundang baé.
Bon Jovi= Si Jovi nu sok unjam injeum. Alah ieu mah jigana ka inspirasian ku BPR (Bank Perkereditan Rakyat).
Guns and Roses= Bedil jeung kembang eros. Asa teu pararuguh ngaran band téh bedil jeung kembang eros, sakalian wé bedil jeung kembang tujuh rupa.
Metalicca= Menta buah manalika. Tah nu ieu mah dongéngna téh, basa ngaliwat ka kebon Mang Kémod, nempo buah manalika (sirsak), tuluy wé ngagorowok mang ménta buah manalika. Tidinya wé laju disingket mun Ka Mang Kémod téh, mang Metalicca, tuluy jadi ngaran grup band nepi ka kiwari.
The Rolling Stones= Batu-batu nu digilindingkeun. Komo ieu mah jigana anggota band-na keur leutikna kurang bahagia.
Queen= Ratu. Aduh mendi bertolak belakang jeung anggota bandna nu lalaki wungkul. Kuduna mah atuh King.
U2= Uu téh dina basa Sunda, hartina ibuna nini. Tah ieu mah nyunda pisan jigana pas ka Cianjur, kainspirasian ku ibuna nini hidep, nu disebut Uu disingget wé jadi U2.
Deep Purple= Gandaria poék. Naon deuih ieu maké ngaran gandaria poék, euweuh maknana pisan. Sakalain wé pareum listrik, asa leuwih pantes, nya.
Sobat Sora, geuning saprak ngaran grup band mancanagara ditarjamahkeun kana basa Sunda mah, ngaranna téh teu keren teu sing. Kadanguna téh matak pikaseurieun. Ukur grup band U2 wungkul nu kadanguna nyunda pisan mah. Tah sakitu heula wé nya Sobat Sora, éngké urang guar deui nya! [MS]***
