Drs. H. Sobandi, M.M.Pd., Kepala SMA Pasundan 1 Kota Bandung
majalahsora.com – UNBK poé katilu di SMA Pasundan 1 Kota Bandung, Rebo 12 April 2017, bajalan lancar. Méméhna gé dina poé kahiji jeung kaduana lungsur langsar. “Alhamdulillah dugi danget ayeuna, mangsa pelajaran basa Inggris pelaksanaan UNBK di SMA Pasundan 1 Kota Bandung, lumangsung lancar. Teu aya masalah, mudah-mudahan dugi ka dinten terahir, enjing, Kemis 13 April 2017, ” saur Drs. H. Sobandi, M.M.Pd., Kepala Sekolahna.
Pikeun SMA Pasundan 1 Kota Bandung, UNBK taun 2017 ayeuna téh, mangrupa kagiatan nu munggaran. Sanajan kakara mitembenyan, kagiatanana bajalan lancar. Eta téh teu lésot tina persiapan SMA Pasundan 1 Kota Bandung nu serius. Geus tatahar ti anggangna kénéh. Ti mimiti ngumplitan komputerna, serverna, daya listrikna, téknisina, proktorna, siswana, jrrd.
Nilik kana jumlah peserta UNBK-na aya 362 urang, ti jurusan IPA jeung IPS. Rohangan nu dipakéna aya opat, ngawadahan 150 unit. Pelaksanaanana dibagi tilu sési. Pengawas silangna ti SMA BPI 1 Kota Bandung, jumlahna 16 urang. [MS]***
