Dr. Enjang Mulyana, M.Si, Camat Batununggal
Sobat Sora, dina hiji kasempetan, Sora kenalan jeung camat Batunungal di wewengkon SMP Negeri 31. Dr. Enjang Mulyana, M.Si hadir demi ngarojong kagiatan lomba UKS anu diayakeun di sakola kasebut. Harita ping Sacara umum, program sakola jeung kacamatan téh sarua geusan nyiptakeun budaya cinta lingkungan.
Iptu Jayasman, Kapolsek Batununggal
“Kagiatan UKS saé pisan, lantaran sakola téh sumberna atikan anu sakuduna dirojong tur diprioritaskeun,” kitu saur Pa Dr. Enjang daria. Alatan éta, di wewengkon kantor kacamatan geus dirarancang aya “penghijauan” guna mroduksi oksigen saban poéna. Ping 28 malah direncanakeun gebyar gerakan tanam seribu pohon anu dilaksanakeun ku warga gawé bareng jeung para siswa-siswi SMP Negeri 31 Bandung.
Pa Enjang nuju di SMPN 3 Kota Bandung
Dina dasarna saupama sakola katémbong séhat, tangtu para siswa-siswina ogé cerdas sedengkeun kacerdasan téh gambaran tina masyarakat anu saroléh. Program Pa Enjang anu rék digarap dina ngeusian bulan Romadon nya éta kagiatan maghrib mengaji, tadarus Al-Quran dina lolongkrang bada Maghrib semet ka Isya diteruskeun sholat Isya berjamaah jeung tarawéh. Program séjénna nataharkeun méré layang pangajén (penghargaan) tékenan wali kota ka 100 barudak (usia anak) anu hatam Al-Quran. Masrahkeun layang pangajén tur ngaaprésiasi kinerja para RT/RW, para hansip, karang taruna jrrd, sakaligus masrahkeun bingkisan ka para jompo. Pungkasna program siraman rohani ku cara ngadatangkeun mubalighoh kondang, Mamah Dédéh. Ieu kagiatan geus ditataharkeun keur ping 23 Juli anu bakal datang.
Pa Enjang nuju ngaluuhan acara penilaian Sekolah Sehat di SMPN 31 Kota Bandung
“Aya tékenan Pa Wali Kota, malahmandar tumuwuh kareueus jeung matek kasumangetan, syukur-syukur Pa Wali Kota tiasa sumping dina waktosna,” saur Pa Enjang kebek harepan. Program unggulan anu badé dipayunkeun ayeuna-ayeuna, naon baé? Sora ngolongan. “Insyaalloh pihak kacamatan badé nerbitkeun tabloid bulanan geusan ngawalatrakeun impormasi ka sakabéh warga, hususna warga sa-kacamatan Batununggal heula anan. Saterusna, disagigireun ngaoptimalkeun wébsite anu geus nyampak geus ditataharkeun masang 10 perangkat CCTV perkelurahan (8 kalurahan Batununggal),” Pa Enjang giak ngawalerna. “Insyalloh lounchingna sasih Juni 2016 anu badé dongkap,” pokna deui nandeskeun.
Pedaran Pa Camat Batununggal saluyu jeung anu dikamandangkeun ku Kapolsék Batununggal, Iptu Jayasman. Kagiatan UKS atawa sakola séhat kacida pisan ngarojong kana program pamaréntah anu dipayungan ku UU No 2/2002 geusan umajak sangkan warga sakola miara kabersékaan lahir-batin. Mun lahirna ngajaga lingkungan tina patulayah runtah, ngahéjokeun pakarangan jeung nyayagakeun perangkat kaséhatan mangka batinna ogé kudu diaping dijaring tina pekat (penyakit masarakat), narkoba, ékstasi jrrd. Pihak polsek teu bosen ngarazia warung reyem-reyem supaya kagiatan negative, samodél pamabokan henteu nerekab di lingkungan masarakat utamana di lingkungan warga sakola sakaligus nyinglar arasupna budaya teu hadé ka sakola. Hususna SMP Negeri 31 geus di béh ditu mula gawé bareng jeung pihak babinmas kelurahan satempat. Kapolsek Batununggal sacara pribadi kacida reueusna kana kagiatan UKS di SMP Negeri 31 Bandung. Dikuatan ku kamandang dewan komite anu diwakilan ku Pa Iman Harjono ti komplék Adipura. Ieu dosen di hiji perguruan tinggi téh kacida ngarojongna kana kagiatan lomba UKS SMP Negeri 31 Bandung ngan baé kudu diterapkeun prinsip yén hadiah mah lain tujuan utama, anu leuwih penting mah nyatana mertahankeun status sakola séhatna pasca perlombaan sakola séhat. [MS]***
