Dr. H. Elih Sudiapermana, M.Pd, Kepala Dinas Pendidikan Kota Bandung disarengan ku Dr. Mia Rumiasari, M.Si, Sekretaris Disdik Kota Bandung dina kagiatan sosialisasi PPDB SD Negri taun ajaran 2017-2018
majalahsora.com – Kepala Dinas Pendidikan Kota Bandung, Dr. H. Elih Sudiapermana, M.Pd., poé Rebo 31 Méi 2017, méré pangarahan dina kagiatan Sosialisasi Penerimaan Siswa Didik Baru (PPDB) taun ajaran 2017-2018. Lumangsung di SD Ignatius Slamet Riyadi 2 Kota Bandung. Diiluan ku Kepala Sekolah reujeung Sub PPID Pembantu SD Negri sa-kuliah Kota Bandung.
Para Kepala Sekolah SD Negri sa-Kota Bandung, nu ngaluuhan kagiatan kasabit
Dina arahanana, Pa Elih ngingetan ka sakumna Kepala Sekolah jeung PPID Pembantu di sakola nu hadir téh, jaga dina prak-prakanana sangkan méré pelayanan nu hadé. Sakabéh Kepala Sekolah jeung PPID sakola kudu ngawasa tur ngarti kana mekanisme PPDB taun ayeuna. Ku kituna pangabutuh informasi keur masarakat téh terpenuhi. Montong nepi ka aya miss informasi.
Pa Irawan nyepeng mik, nuju ngajelaskeun mekanisme PPDB
Padamel ti lingkungan Dinas Pendidikan Kota Bandung, nu janten panitia sosialisasi PPDB taun 2017-2018
“Panglawungan dinten ayeuna téh, dina raraga sosialisasi tur maheutkeun kasiapan Kepala Sekolah sareng sakola dina kagiatan PPDB taun ajaran 2017-2018. Disagigireun éta jaga kanggo ngamonitor murid anu kawadahan di unggal SD negri tur lulusanana nu ngalajengkeun ka sakola nu langkung luhur, ngadeudeul program wajib belajar salapan taun. Ulah dugi aya siswana nu teu ngalajengkeun sakola. Alhamdulillah APK (Angka Partisipasi Kasar) Wajar Dikdas di Kota Bandung tos 100%. Patalina sareng PPDB taun ayeuna, pikeun SDN, tiasa nampi mak 28 rombel sareng per rombelna maksimal ngawadahan 28 urang,” saur Pa Elih téh. [MS]***
