Pa Achmad S, Paweka, M.M.Pd, Kepala SMPN 6 Kota Bandung
Sobat Sora, pareng silaturahmi ka Kepala SMPN 6, Drs. Achmad. S Pawéka, M.M.Pd, di rohang dinesna sakaligus nétélakeun kasiapan warga sakola hususna para peserta didikna enggoning nyinghareupan UN.
Bu Eva
Pa Achmad medar, saurna buku-buku bahan UN (ujian nasional) anu ngawengku opat bidang studi geus disadiakeun ku pihak pabukon (perpustakaan). Di antarana: basa Indonésia, basa Inggris, matématika jeung IPA. Lian ti éta disadiakeun pangajaran tambahan tanpa dipénta biaya sapésér ogé. Nyakitu ngasakkeunana (pemantapanana) geus ditataharkeun ti Bulan Oktober 2015. Dalapan jam pelajaran, sakali dina saminggu kalayan dibimbing ku guru anu luyu reujeung opat bidang studi kasabit (husus keur seméstér lima). Keur seméster genepna latihan ujian, dimimitian ti pukul 6.00 kalayan dipungkas ku TO (try out) tepi ka tilu balénan.
Pa Ramlan Salim, Waka Kesiswaan
Dina matéahkeun pangwangunan sakola, Pa Achmad keur haged-hagedna ngarahkeun kana rénopasi sarana WC TU, rohang IT kumplit keur nyayagian opat widang studi. Utamana matéahkeun bantuan walikota Bandung anu mangrupa 40 tablét sarta smart board hiji.
Pa Achmad nuju ningal smart board, bantosan ti Walikota Bandung
Sakumaha anu geus diguar dina Sora sababaraha édisi ka tukang, SMPN 6 kajojo ku préstasi penca silatna (aliran Tadjimaléla), anu kungsi manggung di wewengkon luar Bandung saperti di Cirebon, Indramayu jeung kuningan. Sajaba ti penca silat, ékskul Taékwondo ogé teu éléh nyongcolang tur seungit. Peringkat juara-na dina widang penca silat geus ngacacang tingkat Jawa Barat. Geus teu anéh mun di SMPN 6, boh layang pangajén boh piala kajuaraan penca silat ngajalajar minuhan étalaseu.
Kaayaan di laboratorium komputer
Di antara kajuaraan anu panganyarna: Juara Umum Katagori SMP Kejuaraan Penca Silat Open Padjadjaran Nasional Cup II taun 2016, piala Walikota Cirebon. Juara II Lomba Design Mesin Auto Cad Se-Bandung Raya, SMK Prakarya Internasional taun 2016. Peserta nilai tertinggi Administrasi Lomba LKKPPG taun 2016, jrrd.
Suasana diajar di kelas VII
Di SMPN 6, jam asupna dibagi dua pluh, ditambah poé Saptu keur ékskulna sedengkeun keur kelas tujuh mah diancokeun kagiatan diajarna tepikeun ka poé Saptu.
Guruna ngamangpaatkeun infocus mangsa ngajar di kelas, mung kedah ditambihan fasilitas audiona
Dina kasempetan paguneman jeung Sora, Pa Drs. Ahmad anu linggih di wewengkon Ciganitri, Buah Batu, negrakkeun harepanana, utamana dina ngalaksanakeun UN. Yén upaya SMPN 6 Insya Alloh geus maksimal, kantun hasilna nyanggakeun kana upaya para siswa-siswi kalayan nyarandé katawekalan ka Gusti Alloh SWT. [MS]***
