Pa Yogas
Bandung – Dina salah sahiji kasempetan, Majalah Sora hasil ngawawancara Pa Yogas Heryanto carogé Dra. Euis Purnama, M.M.Pd., Kepala SMKN 3 Kota Bandung. Katelahna mah Kang Yogas, teureuh Garut-Tasik, anu saumur-umur aktif di organisasi nonoman nu geus moyan, nya éta AMS (Angkatan Muda Siliwangi), negrakkeun kamandangna kana kasundaan. “Dina waruga Sunda kudu ngabalung sungsum rasa duduluran. Poma ulah kajadian silih réngkas silih téngkas anggur silijungjungkeun dina sagala widang kahadéan. Satemenna élmu pangaweruh paling sajati nyatana kaberesihan ati. Alatan éta, duduluran mah kudu sakumaha cék kaweningan rasa ulah ukur diumbar ku basa,” kitu saur Pa Yogas. [MS]***