Dr. Ferry Sofwan Arif, M.S., Kepala Dinas Tenaga Kerja & Transmigrasi Propinsi Jawa Barat
Buah Batu – Leuwih ti 40 pausahaan aub dina kagiatan Job Maching SMKN 13 Kota Bandung. Dilaksanakeun di kampus ieu sakola nu dipingpin ku Pa Ramdan, S.Pd., M.Si. Pernahna di Jalan Soekarno Hatta KM 10, ti tanggal 7-8 Séptémber 2016. Eta kagiatan dibuka ku Dr. Ferry Sofwan Arif, M.S., Kepala Dinas Tenaga Kerja & Transmigrasi Propinsi Jawa Barat. Diluuhan ku Pa Asép Hilman, Kepala Dinas Pendidikan Propinsi Jawa Barat, Pa Elih Sudiapermana, Kepala Dinas Pendidikan Kota Bandung, Pa Ramdan, Kepala SMKN 6 & SMKN 13 Kota Bandung, Kepala SMK di Kota Bandung, siswa SMK nu aya disabudeureun Kota Bandung jeung luareunana, ogé salian ti éta.
Pa Ramdan, S.Pd., M.Si., Kepala SMKN 13 Kota Bandung
Drs. Holis Bachtiar Kepala SMK ICB Cinta Niaga & Dr. Asep Tapip Kepala SMKN 4 Kota Bandung, nu ngaluuhan acara Joba Maching SMKN 13 Kota Bandung
Dra. Een Rohaeini, Wakil Manajemen Mutu SMKN 13 Kota Bandung
Tujuan kagiatanana téh keur ngawadahan alumni SMK nu keur néngan gawé. Kabandungan ku Majalah Sora, ampir di unggal stand, ngagimbung nu masrahkeun CV (curriculum vitae/daftar riwayat hidup)-na téh. Malah aya sababaraha perusahaan saperti Kalbé Farma, Propan, Pharos, nu langsung ngalaksanakeun rekrutmen.
Bu Popong Wariati, S.Pd., Ketua Pelaksana Job Maching SMKN 13 Kota Bandung
Bu Rohayati, S.Pd., seksi acara
Pa Ferry Sofwan, ngécéskeun yén dina unggal taun teu kurang aya 500 rébu lulusan SMA/SMK nu néangan pagawéan. Sedengkeun nu baris katarimana ukur 450 rébuan. Ku kagiatan Job Maching di SMKN 13 Kota Bandung, dipiharep bisa minuhan tenaga kerja nu diperlukeun ku pausahaan, nu luyu jeung widangna.
Ibu Tini Sugiartini, M.Pd., nu janten moderator seminar ti Kadin Propinsi Jawa Barat
Ibu Lina Syafarina, SE, Kepala SMP & SMK Madya Kota Bandung, sareng tim angklung SMK Madya
Pintonan angklung ti SMK Madya Kota Bandung
“Saé pisan ieu kagiatan téh, namina ogé Job Maching, janten nu nglamar damel téh kedah luyu sareng widangna. Otomatis pami jurusan kimia nya atuh ngalamar ka parusahaan obat-obatan, cét, tekstil, jrrd. Lamun tos katampi damel dipiharep kedaah ningkatkeun kadisiplinan, sikap, ahlaq sareng élmu pangaweruhna. Targét Disnaker Propinsi Jawa Barat dina taun 2015-2018 tiasa ngawadan 2 juta tenaga kerja,” saurna deui.
Job Maching SMKN 13 gé dieuyeuban ku rupa-rup acara, kayaning tampilan seni, salah sahijina ti tim angkung SMK Madya Kota Bandung, acara seminar ngeunaan profesionalisme tenaga kerja di era MEA, nu ditepikeun ku perwakilan Kadin Propinsi Jabar, diskusi, talk show ti dunya usaha sareng dunya industri, jsté.
Irfan, alumni ti SMK kartika XIX-I Kota Bandung
“Alhamdulillah kagiatanana lungsur langsar, sanaos ieu téh Job Maching munggaran di SMKN 13. Kirang langkung aya 48 pausahaan skala nasional jeung internasional nu ngadeudeul ieu kagiatan téh. Di antarana, PT. Kalbe, Pharos, Simaya, Propan, Heinz. Nu milarian damelna gé ngaleut, ampir aya 1000 pelamar” saur Bu Popong Wariati, S.Pd., slaku ketua pelaksana Job Maching SMKN 13.
Sonya, alumni ti SMKN 3 Kota Bandung & Megi, alumni ti SMK Pasundan 1 Kota Bandung
Zaga & Refin, alumni SMKN 13 Kota Bandung
Majalah Sora gé hasil ngawawancara sababaraha alumni nu keur néangan gawé dina acara Job Maching SMKN 13, aya Irfan Syahroni, alumni ti SMK Kartika XIX-I Kota Bandung, Sonya ti SMKN 3 Kota Bandung, Megi ti SMK Pasundan 1 Kota Bandung, Zaga sarta Refin duanana alumni ti SMKN 13. Keur maranéhna karasa gedé pisan mangpaatna ku acara nu di alpukahan ku SMKN 13 téh, pangpangna mah keur alumni SMK jadi teu pahibut jeung nu néangan gawé dina Job Fair nu ilahar. [MS]***
