Hala bi halal sakalian sertijab Ketua RT 07 méméhna Pa Bambang (kénca) ka Ketua RT 07 anyar Pa Tedi (katuhu)
majalahsora.com, Kab. Bandung – Sababaraha poé kaliwat, Boboran Siam 1438 H geus lekasan. ku kituna dina raraga meungkeut tali silaturahmi, warga komplék Griya Bandung Indah, RT 07 RW 13, Desa Buah Batu, Kec. Bojongsoang, Kab. Bandung téh, ngayakeun kagiatan Halal bi halal Boboran Siam 1438 H, nu dialpukahan ku Pa Mukiyat jeung réngrénganana.
Pa Edwin (kénca) Bendahara méméhna & Pa Mukiyat Bendahara anyar RT 07/13 Komplek GBI
Dilaksanakeun, malem Ahad ping 8 Juli 2017, di lapang RT 07 jeung 09 RW 13. Acarana diluuhan ku Ketua RW 13, Pa Apipudin, tokoh masarakat RW 13, ketua RT 07 manten, perwakilan warga RT 09/13, sarta sakabéh warga RT 07.
Réngréngan pengurus RT 07/13 nu anyar dipoto jeung réngréngan pengurus RT 07/13 méméhna
Dina acara kasabit gé sakalian sertijab Ketua RT 07 méméhna ka Ketua RT nu anyar, nya éta Pa Bambang Pristiadi ka Pa Tedi Supriyadi tur ngukuhkeun pengurus RT 07/13 nu anyar, nu mancén tugas keur lima tauneun.
Tawis soca ti Ketua RT anyar ka Ketua RT 07/13 méméhna
“Sim kuring néda réwu nuhun ka sakumna warga RT 07/13 nu parantos ngadeudeul program-program kapengurusan periode RT nu ku sim kuring pingpin. Kana kakiranganana, sim kuring saparakanca neda sihapunten lahir batin, wilujeng Boboran Siam 1438 H,” saur Pa Bambang, Ketua RT 07/13 manten, dina biantarana.
Pa Apipudin Ketua RW 13, Desa Buah Batu, Kec. Bojongsoang, Kab. Bandung
Ust. Idris nu tausyiahna
Disagigireun éta, Pa Apipudin salaku Ketua RW-na, miharep ka Ketua tur pengurus RT 07 nu anyar téh, bisa neruskeun program-program nu geus bajalan, samalah lamun bisa mah leuwih ngaronjat deui jeung tali kakulawargaanana kudu leuwih pageuh akar.
Pa Iin nu jadi Qori tur Bu Retno nu janten Saritilawahna
Acarana di mc-an ku Pa Nazar
Kitu ogé nu didadarkeun ku Ust. Idris salaku sesepuh RW 13, nu méré tausyiah dina acara kasabit, “Jeung tatangga mah kudu silih ajénan, komo sabada Shaum Romadhon tur Boboran Siam 1438 H, kudu jadi pribadi nu leuwih hadé, tur ngajauhan sikep nu kurang hadé kayaning pahiri-hari ka tatangga, kudu sabalikna kudu silih pikanyaah tur népakeun kahadéan,” pokna.
Kumpulan poto kagiatan Halal bihal & Sertijab Ketua RT 07/13 Komplek GBI Kab. Bandung:
[SR]***
