Dr. Ir. H. Ahmad Hadadi, M.Si., Kepala Dinas Pendidikan Jawa Barat, basa muka kagiatan LKS SMK sa-Jabar taun 2017, di SMKN 6 Kota Bandung
majalahsundasora – Dina sela-sela kagiatan pembukaan LKS SMK sa-Jawa Barat, Rebo 19 April 2017, Majalah Sora hasil ngawawancara Dr. Ir. H. Ahmad Hadadi, M.Si., ngolongan ngeunaan pencairan gajih honorer sarta TPP (Tunjangan Profesi Pendidik) pikeun guru SMA jeung SMK sa-Jawa Barat. Anjéunna ngécéskeun, yén gajih honorer geus bisa katarima, dirapelkeun salila tilu bulan ti bulan Januari, Pébruari jeung Maret 2017, total waragadna kira-kira aya 116 miliar rupia. Kitu ogé keur TPP para guru akur dirapélkeun salila tilu bulan, ti Januari, Pebruari jeung Maret 2017. Keur TPP, kira-kira méakéun waragad Rp. 230 miliar.
“Insya Alloh tos cair gajih honorer sareng TPP, enjing Kemis, ping 20 April 2017 tos tiasa dibagikeun, sim kuring tos nanda tangan sadaya proseduralna, sareng tos ditransfer ka rekening bendahara sakola masing-masing. Mung kanggo nu TPP masih aya sésa kirang langkung 14.000-an urang deui, nuju diprosés, kanggo tahap salajengna” saur Pa Ahmad Hadadi, di Kampus SMKN 6 Kota Bandung. [MS]***
