Bu Euis Khotimah, S.Pd., Ketua Dharma Wanita Unit Pelaksana Dinas Pendidikan & Olah Raga Kota Cimahi, (garwana Pa Dikdik Suratno Nugrahawan Kepala Disdikpora Kota Cimahi)
majalahsora.com – Dina Raraga miéling Hari Kartini jeung mapag Hari Pendidikan Nasional taun 2017, poé Kemis 27 April 2017, Dharma Wanita Unit Pelaksana Dinas Pendidikan & Olah Raga Kota Cimahi, nu dipupuhuan ku Bu Euis Khotimah, ngayakeun pasanggiri anggana sekar. Nu midangkeun karya-karya Mang Koko, kayaning Anggrek Japati, Salempay Sutra, jsté.
Girang pangajen kenca ka katuhu: Hj. Aas Nursetiawati, S.Pd., Drs. Endang Didi Haryadi & Ibu Yuyun Sulastri, S.Sn.
Bu Neni Suhani, S.Pd., Kepala SDN Cimahi Mandiri 5 Kota Cimahi & Bu Euis Khotimah, S.Pd., Ketua Dharma Wanita Unit Pelaksana Dinas Pendidikan & Olah Raga Kota Cimahi
Patandangna guru wanoja tur para garwa ASN (Aparatur Sipil Negara) nu aya di lingkungan dinas kasabit. Kurang leuwih diiluan ku 30 patandang. Tempatna di PKG (Pusat Kegiatan Guru) gédéngeun SDN Cimahi Mandiri 5 Kota Cimahi nu pernahna di Jalan Dra. Djulaéha Karmita No. 2.
Hj. Titi Asmanah, S.Pd., ti SDN Melong Mandiri 5 Kota Cimahi
Pa Cecep Saeful, S.Pd, nuju mirig nu ngawih
Dipeunteunna ku seniman Sunda nu tos moyan, nya éta Drs. Endang Didi Haryadi, Ibu Yuyun Sulastri, S.Sn., sareng Hj. Aas Nursetiawati, S.Pd nu kantos janten pinunjul kawih Sunda tingkat Propinsi Jawa Barat. Nu dipeunteunna téh, ngeunaan timbre sora, teknik jeung penampilan.
Bu Ida Kurniasih, S.Pd., M.Pd., Kepala SDN Melong Mandiri 5 Kota Cimahi
“Milih panggiri anggana sekar Mang Koko téh salah sahijina dina raraga maliré budaya Sunda di lingkungan Dharma Wanita Dinas Pendidikan & Olah raga. Ibu-ibu gé kagungan peran nu penting sangkan ngahirup huripkeun kasundaan. Salian ti éta ngajénan karya-karya Mang Koko nu sakitu luhungna. Ulah dugi kadeseh ku budaya batur. Pami ningal para patandang mah saraé, matak reueus,” saur Bu Euis Khotimah, S.Pd., Pupuhu Dharma Wanita Unit Pelaksana Dinas Pendidikan & Olahraga Kota Cimahi téh.
Panata calagara ti Dharma Wanita Unit Pelaksana Disdikpora Kota Cimahi
Ibu Dewi Ejanengsih, S.Pd., ti SDN Cipageran Mandiri 1 Kota Cimahi & Ibu Nani Nurhasanah, S.Pd, M.Si., ti SDN Cimahi Mandiri 1 Kota Cimahi, anggota Dharma Wanita Unit Pelaksana Disdikpora Kota Cimahi
Majalah Sora gé hasil ngawawancara Bu Ida Kurniasih, S.Pd., M.Pd., Kepala SDN Melong Mandiri 5 Kota Cimahi, anjeunna nétélakeun yén ieu kagiatan pasanggiri téh kacida luhung ajénna, salah sahijina keur mekarkeun kamampuh diri, hususna guru wanoja, jadi lain saukur ngajar wungkul. Anjeunna gé muji kana tarékah Dharma Wanita nu dipingpin ku Bu Euis Khotimah, alatan loba program nu pinuh ku kagiatan nu matak nambah kaweruh jeung kamapuh para anggotana, jaga miharep leuwih maju deui.
Nu ngalalajoan
Lamun nilik kana kamampuh para patandangna mah, kaitung mareujeuh, mangsa ngawihna téh, komo bari dipirig ku kacapi mah, Pa Cécép Saeful, S.Pd., Guru Basa Sunda ti SMAN 3 Kota Cimahi, salah saurang nu ngacapianna téh. Sacara umum mah ketat pisan persainganana téh.
Hj. Titi Amanah, S.Pd., Guru ti SDN Melong Mandiri 5 Kota Cimahi nu hasil jadi juara kahijina
Bu Imas maesaroh, S.Pd., SDN Melong Mandiri 2 kota Cimahi nu hadil jadi juara harepan ka-II
Juara harepan ka-III, Ibu Eros Susanti, S.Pd., ti SDN Citeurep Mandiri 2 Kota Cimahi
Para pinunjul dipoto sasarengan
Harita nu hasil jadi juara kahijina nya éta Hj. Titi Amanah, S.Pd., Guru ti SDN Melong Mandiri 5 Kota Cimahi. Ieu guru wanoja téh harita ngahaleuangkeun Salempay Sutra, sorana téh geunaheun pisan. Tah ieu yeuh nu juara lianna téh; Juara ka-II, Dra. Euis Hendrayani, M.Pd., ti SMPN 1 Kota Cimahi, juara ka-III, Ibu Nénéng Fatimah, ti SDN Cibabat Mandiri 5 kota Cimahi, juara harapan ka-I, Ibu Sri Sulastri, ti SMPN 4 Kota Cimahi, juara harapan ka-II, Ibu Imas Maésaroh, ti SDN Melong Mandiri 2, Kota Cimahi sarta juara harepan ka-III, Ibu Eros Susanti, S.Pd., ti SDN Citeurep Mandiri 2 Kota Cimahi. [MS]***
