Deddy Mizwar, Wagub Jabar (kameja bodas), Dede Amar, Kepala BP3 Wilayah IV Disdik Jabar & Suhendiana, Kepala SMAN 1 Lembang
majalahsora.com, Kabupatén Bandung Barat – SMAN 1 Lembang katatamuan Deddy Mizwar, Wakil Gubernur Jawa Barat, Kamis 7 Séptémber 2017. Anjeunna ngahaja, ngadongdon ka sakola nu dipingpin ku Drs. H. Suhéndiana Nur, M.M.Pd, nu pernahna di Jalan Kayuambon, Kecamatan Lembang. Dina raraga kunjungn kerjana.
Demiz disarengan ku Suhendiana Kepala SMAN 1 Lembang mangsa nyakseni orchestra DPR SMAN 1 Lembang
Demiz, kitu katelahna, mangsa sumping ka kampus nu keur sibuk ngawangun téh, dibagéakeun ku pidangan lagu ti grup Orchestra DPR (Di bawah Pohon Rindang) SMAN 1 Lembang. Samalah anjeunna ngilu ngahaleuang, mangsa Orchestra DPR, mawakeun salah sahiji lagu.
Wagub dipoto sareng Guru-guru SMAN 1 Lembang
Dina éta kasempetan, Suhendi salaku Kepala Sekolah SMAN 1 Lembang, ngajak Demiz nguriling tur nuduhkeun sababaraha rohangan, kayaning ka rohang perpustakaan, rohang guru, nu pamungkas ka rohang Kepala Sekolah. Di sagigireun éta Kepala Sekolah nu soméah téh nuduhkeun tur ngajelaskeun sababaraha tempat nu keur diwangun, saperti masjid, rohang kelas sarta rohang Kepala Sekolah.
Basa di rohang Guru SMAN 1 Lembang
Teu tinggaleun salah sahiji siswana, nya éta Arista, kelas XII-IPA-2, nu aktif di Majalah Sekolah SMAGZ, majalah internal ieu sakola, hasil ngawawancara Demiz. Ieu siswa nu wanteran téh nanya ngeunaan, kiprah Demiz nu ancrub ka dunya politik tur hasil jadi Wagub Jabar, alatan nilik kasangtukang anjeunna salaku aktor ka hot nasional.
Drs. Suhendiana, Kepala SMAN 1 Lembang & Demiz, basa di rohang perpustakaan SMAN 1 Lembang
Mangsa di kolongan ku awak media ngeunaan ekskul di SMAN 1 Lembang, Demiz muji kana kagiatan ekskul di SMAN 1 Lembang. Kayaning tim orkestrana, tim majalahna, tim teaterna, tim potografi, jrrd. Alatan éta téh hal kréatif nu bisa ngaronjatkeun life skill di luareun pendidikan akademik nu normatif.
Arista ti Esklul SMAGZ nuju ngawawancara Demiz Wagub Jabar
“Siswa ayeuna mah kudu jadi jalma nu kreatif, katingal sapertos di SMAN 1 Lembang. Ku naon kedah kreatif, salah sahijina ku jaman nu beuki maju. Alatan ku kreatifitas mah engkéna duit nu nyiar urang lain sabalikna. Tah binihna ti ayeuna mula kudu di ipuk. Tapi angger basis pendidikan minimal mah kudu kuat,” cék Demiz téh. [SR]***
