Pa Sunarya, SE, Kepala SMK Pariwisata Telkom
Sobat Sora, urang ameng ka SMK Pariwisata Télkom Bandung anu dikepalaan ku Bapa Sunarya, SE. Perenahna di Jalan Palasari nomer 1 Bandung. Sawatara bulan ka tukang, ieu Pa Kepala anu soméah téh kungsi ngobrol jeung Sora cenah hayang ngawujudkeun cita-cita ngajengléngkeun café. Alhamdulillah ayeuna ngabukti, Student Café launcing ti ping 13 Méi.
Pa Sunarya, SE, (katuhu), Kepala SMK Pariwisata Telkom, méré pelayanan nu optimal
Sora gura-giru nepungan instrukturna sakaligus guru tata boga, Pa Héngki Darmawanto, S.Pd. Kagiatan para peserta didik kelas tata boga di Student Café, taya kajaba nya éta bagéan tina poténsi para siswa dina matéahkeun, ngokolakeun jeung neuleuman pangaweruh sakaligus mraktékkeun widang kadaharan jeung inuman. Widang pelayanan di réstoran jeung upaya kompeténsi para peserta didik kasabit.
Arya (katuhu), salah sahiji juru pasak di Student Cafe. Pasakanana teu éléh jeung chef
Glorry, siswi kelas X tata boga, praktek ngeunaan pelayanan di Student Café
Corner Studént Café sajaba ancoan para guru SMK Pariwisata Télkom, umumna para peserta didikna ogé para alumni. Ogé dibuka keur umum, ti mimiti pukul 9.00 tepi ka pukul 15.30 pasosoré bareng jeung jam mulang para siswa-siswi. Jadi, dibuka keur halayak internal jeung éksternal. Malah kungsi diajangkeun keur reunian para alumni SMK Pariwisata Télkom. Numutkeun Pa Héngki, anu aktif di Student Café ngalibatkeun heula kelas X.
Ibu Ita Utami, ST, Guru SMK Telkom, reueus ku ayana Student Café
Di ieu café, sadia menu tradisonal, western-na katut ka menu Asiana. Ngawengku 25 kadaharan jeung 15 inuman, ti mimiti kadaharan/inuman. Husus keur tuang para guru jeung karyawan, waktuna poé Salasa jeung poé jumaah. Dina nyajikeun kopi (kopi aroma has Bandung) barista-na dijamin geus professional, dilengkepan ku mesin canggih kelas komersial. Sajian cai kopi dicokot ékstrakna (saripati) wungkul sedengkeun dedekna dipiceun. Cikopi haneut tegep upama dibaturan ginger cookis (kuéh jahé).
Drs. Indra Patriajaya
Pa Héngki, Guru Tata Boga, nu ngokolakeun Student Café
Pa Tomi Distomi, Guru Tata Boga
Menu-menu di Student Café di antarana caffer lover; américanno 7k, cappuccino 10k, caffé latté 10k, cafféé mocha 10k. Esprésso; macchiato 9.5k, espresso con panna 9,5k, caffe avogato 11k. Sajaba ti éta aya ogé, lumpia, piscok, pancake, tahu garem pedas, pisang goréng keju, risales, és céndol, jrrd.
Chicken teriyaki, salah sahiji menu unggulanana. Rasana roas pisan, Sobat Sora kedah nyobian
Sora ogé nepungan wakasek kesiswaan, patalina jeung UN kamari, Drs. Indra Patriajaya anu dipairan ku guru IPA/Nutrisi Ibu Ita Utami, ST, nu nuju tuang di Student Café. Saurna, Alhamdulillah ujian Negara SMK Pariwisata Telkom Bandung 100 presén lulus sadayana.
Mesin ekstrak kopi, paragi nyieun rupa-rupa inuman kopi, saperti capucinno, jrrd
Di antara peserta didik kelas X Tata Boga 3 nyatana Glory jeung Arya. Sobat, urang ngobrol nyantéy jeung ieu sapasang nonoman kasép jeung geulis, di rohang hareup Student Café. Mojang lenjang nu ngaranna singget Glory lulusan SD Santa Agustinus taun 2012, lulusan SMP Santa Ursula taun 2015. Zodiakna Aries, kalangenan/hobi ngagambar. Pancén di Student Café sabagé pramusaji. Cita-citana, mun saur Pa Drs. Sunarya mah “mimpi-nya” hayang jadi pengusaha atawa animator. Katineungna di SMK Pariwisata Telkom Bandung nya éta loba nimba pangalaman keur kagiatan engkéna di hotél, kalawan harepan mudah-mudahan Café Student tambah maju, berekah jeung loba pelangganna.
Americanno, salah sahijiolahan kopi ungulanana, bahan kopina tina kopi aroma, nikmat.
harga capucinnona, kajangkau
Arya Ardiansyah Zahiral Bilhaq, nénéhna mah Arya, kelas X Tata Boga-1. Alamatna di TKI Nomer 1. Lulusan SD Salman Al-Farisi taun 2012, SMPN 39 Kota Bandung taun 2015. Cita-cita jeung impianana hayang jadi éksekutiv chéf, aquarius zodiakna, masak pangaresepna. Pesan jeung harepanana taya kajaba nya éta mudah-mudahan Café Student sing tambah ramé, semarak. Kagiatanana di café, keur Arya jadi pangalaman jeung élmu pangaweruh keur bekel kahirupan ka hareupna. [MS]***
