Pa Ramdan, S.Pd, M.Si., Kepala SMKN 6 Kota Bandung
Gedébagé – SMKN 6 Kota Bandung dina taun ajaran ayeuna baris nampa 1044 siswa anyar. Dibagi ka sababaraha program keahlian, nya éta teknik instalasi tenaga listrik, teknik audio video, teknik bangunan (tkk/tgb), teknik kendaraan ringan, teknik konstruksi kayu jeung teknik permesinan.
Pa Dédén Héndi, S.T., Waka. Kesiswaan SMKN 6 Kota Bandung
Ieu sakola nu perenahna di Jalan Soekarno Hatta, Komplék Riung Bandung RT 5 RW 10 téh, kaasup sakola nu mesat kamekaranana, boh sacara infrastruktur, boh SDM, boh préstasina. Eta téh teu lésot tina yasana Pa Ramdan, S.Pd., M.Si., Kepala SMKN 6 Kota Bandung nu visioner. Anjeunna dideudeul ku tim nu solid. Mangsa diajak “lumpat”, timna sabilulungan ngadeudeul sagala rupa program pingpinanana.
Drs. H. Jaka Suprapta, M.M.Pd., Waka Pengembangan Sekolah
Salah sahiji nu ngadeudeul program Pa Ramdan nya éta Pa Dédén Héndi, S.T., Waka. Kesiswaan SMKN 6 Kota Bandung. Pa Dédén sareng réngréngan dina taun ajaran 2016-2017, kalintang sibukna. Alatan ngokolakeun PPDB-na. Taun ayeuna unggal program keahlian nampa opat kelas, iwal program keahlian otomotif jeung mesin nu baris nampa genep kelaseun téh. Akur jeung sakola nu séjén ngaliwatan jalur non akademik jeung akademik.
Kantor anyar SMKN 6 Kota Bandung
“Alhamdulillah PPDB jalur non akademik di SMKN 6 Kota Bandung, lumangsung lancar, teu aya halangan harungan. Mudah-mudahan dina jalur akademik nu baris lumangsung ping 27 Juni dugi ka 30 Juni 2016 ogé lancar,” saur Pa Dédén Héndi, S.T., Ketua PPDB SMKN 6 Kota Bandung.
Suksésna PPDB jalur non akademik di SMKN 6 Kota Bandung téh, nya éta ku kasiapan panitiana. Nu jadi panitia kudu apal kana bag-bagan aturan PPDB. Mangsa ngajelaskeun informasi ka orang tua siswa tong nepi ka nyasabkeun. Naon-naon nu kudu ditepikeun ka orang tua siswa téh, kudu jentré. Saperti sagala rupa persyaratanana. Ulah nepi ka salah paham, komo salah informasi ti panitia mah. Kurang leuwih aya 288 siswa nu baris katarima ngaliwatan jalur non akademikna téh, sésana kurang leuwih 756 urang ngaliwatan jalur akademik. [MS]***
