Drs. Agung Indaryatno, Kepala SMKN 8 Kota Bandung
majalahsora.com – Taun 2017 ayeuna, SMKN 8 Kota Bandung ngaluluskeun 377 siswa lalaki sarta saurang wanoja. Nu jolna ti kompetensi keahlian Teknik Kendaraan Ringan, Teknik Sepeda Motor jeung Teknik Body Otomotif. Dilepasna mangsa acara paturay tineung, nu lumangsung poé Rebo ping 10 Méi 2017. Tempatna di ieu sakola nu pernahna di Jalan Kliningan No. 31 Kel. Turangga, Kec. Léngkong.
Acara sungkeman
Ngahiberkeun manuk, simbol yén lulusan SMKN 8 Kota Bandung, kudu ngapung keur ngudag kasuksésan, Pa Suryasa, M.Pd., (acuk bodas) Kasi. Kesiswaan SMK Disdik Prop. Jabar
Diluuhan ku Drs. Agung Indaryatno, Kepala SMKN 8 Kota Bandung, para Wakasek, Guru, padamel Tata Usaha. Sumping ogé tamu ondangan di antarana; Pa M. Suryasa, M.Pd, Kasi. Kesiswaan SMK Dinas Pendidikan Propinsi Jawa Barat, Dra. Euis Purnama, M.M.Pd., Kepala SMKN 3 Kota Bandung nu ogé kantos janten Kepala SMKN 8 Kota Bandung, Pa Ramdan, S.Pd., M.Si., Kepala SMKN 6 Kota Bandung, nu kantos janten guru di SMKN 8 Kota Bandung tur alumni SMKN 8 taun 1981, Dra. Nani Sri Iriyani Kepala SMKN 1 Kota Bandung, nu kantos ngawulang di SMKN 8 Kota Bandung, Komite Sekolah, wawakil ti Polsék Léngkong, orang tua siswa, jsté.
Guru-guru SMKN 8 Kota Bandung
Runtuyan acarana lumangsung kalayan hikmad, ogé euyeub ku pintonan adat tur kasenian Sunda. Salian ti éta aya ogé aya pintonan moderén.
Tim Kasenian SMKN 8 Kota Bandung
Taun ayeuna aya 11 urang lulusan SMKN 8 nu baris miang ka Cina, alatan meunang béasiswa tur ikatan dinas, jadi mangsa lulus kuliah téh langsung diangkat jadi pagawé. Lima urang kuliah di Liuzhou City Vocational College nu gawé bareng jeung PT. Shianghai General Motor Wuling, genep urang deui katarima kuliah di Liuzhou Railway Vocational Technical College.
Pa Suryasa, M.Pd., Kasi Kesiswaan SMK Disdik Prop. Jabar, nuju masrahkeun pangajén ka lulusan SMKN 8
Disagigireun éta aya 140 urang nu geus katarima gawé, di antarana di PT. Astra Otopart, PT. Denso Indonésia, PT. Astra Honda Motor, PT. Medion, PT. Hino Manufacture Motor Indonésia, PT. Federal Nittan Industri, jrrd. Nu katarima kuliah di jalur undanganana aya limaan kabéh ka UPI (Universitas Pendidikan Indonésia).
Bu Rahmi Krisdiani, Wakasek Kesiswaan SMKN 8 Kota Bandung
Pa Suryasa, M.Pd., salaku Kepala Séksi Kesiswaan SMK Disdik Prop. Jabar, reueus nilik 11 lulusan SMKN 8 Kota Bandung nu meunang béasiswa ka Cina, aya nu katarima gawé, ogé kuliah di UPI ngaliwatan jalur ondangan. Miharep hal kasabit téh bisa jadi motivasi keur aranjeunna tur adi kelasna. “Ku Bapa didua’keun mugia lulusan SMKN 8 Kota Bandung mingkin maju tur suksés,” pokna.
Bu Euis Purnama, Kepala SMKN 3 Kota BAndung, Kepala SMKN 8 Kota Bandung manten
Pa Ramdan, S.Pd., M.Si., Kepala SMKN 6 Kota Bandung, nu kantos janten guru di SMKN 8 Kota Bandung, ogé alumni SMKN 8 Kota Bandung tun 1981
Dra. Nani Sri Iriyani Kepala SMKN 1 Kota Bandung (kadua ti kénca), nu kantos janten guru di SMKN 8 Kota Bandung
Teu tinggaleun Drs. Agung Indaryatno, Kepala SMKN 8 Kota Bandung gé, miharep lulusan SMKN 8 Kota Bandung taun 2017 téh sagancangna katarima gawé di dunya usaha jeung industri sarta bisa méré hal positif ka masarakat pikeun kamajuan bangsa. [MS]***
