Drs. Agung Indaryatno, Kepala SMKN 8 Kota Bandung
majalahsora.com – Poé kahiji (Senén 3 April 2017) UNBK di SMKN 8 Kota Bandung diiluan ku 378 urang siswa kelas XII, salah saurangna siswa awéwé. Ngawengku kompetensi keahlian Teknik Kendaraan Ringan, Teknik Sepeda Motor jeung Teknik Body Otomotif.
Poe kahiji UNBK (Senen 3 April 2017) siswa SMKN 8 Kota Bandung hadir 100 %
Kagiatan UNBKna dibagi tilu pluh. Jumlah rohanganana aya genep kelas kaasup laboratorium komputer keur 140 unit komputer. Ari jumlah server mah kurang leuwih aya dalapan.
Tina genep rohangan kagiatan UNBK di SMKN 8 Kota Bandung, dua rohangan maké laptop kabéh, dua rohangan make pc kabeh sarta dua rohangan campur aya laptop aya pc
Taun 2017 ayeuna mangrupa UNBK kadua pikeun sakola nu dipingpin ku Drs. Agung Indaryatno téh. Basa Majalah Sora ngadongdong ka ieu sakola kira-kira pukul satengah dalapan isuk-isuk, rempeg siswana hadir kabéh, euweuh nu kasiangan. Kagiatanana gé lancar tina gangguan, boh listrik boh jaringan internétna normal.
Bu Rahmi Krisdiani Wakasek Kesiswaan SMKN 8 Kota Bandung
Eta téh teu lesot tina gawé rancagé guru SMKN 8 Kota Bandung nu jadi petugas proktor jeung téknisi nu profesional, jumlahna aya genepan. Salian ti guru aya ogé dalapan siswa kelas X nu kalibet dina kagiatan UNBK taun 2107. Eta Sobat Sora ti SMKN 8 téh aktif di ekskul IT.
Pa Muhammad Abdullahh, M.Pd.,Wakasek Kurikulum
Méméh prung UNBK taun 2017, siswa SMKN 8 Kota Bandung, dibéré motivasi sangkan enye-enya ngiluan UNBK taun 2017 ayeuna. Salian ti éta aya istighosah, lumangsung poé Jumaah 31 Maret 2017 kamari.
Pa Ginajar,S.Pd., koordianator UNBK taun 2017 di SMKN 8 Kota Bandung
“Alhamdulillah siswa SMKN 8 Kota Bandung dina dinten kahiji hadir 100%. Méméhna ku sakola dipasihan motivasi sangkan ngajaga kaséhatan, tong kasiangan, tangtos diajar soson-soson. Sateuacanna gé siswa SMKN 8, dibekelan ku sababaraha kagiatan kayaning try out dua kali, simulasi UNBK dua kali sareng gladi bersih sakali,” saur Drs. Agung Indaryatno dina sela-sela kagiatan UNBK di SMKN 8 Kota Bandung.
Guru SMKN 8 Kota Bandung nu jadi teknisi dina kagiatan UNBK taun 2017
Pa Yogi sapalih Pa Agung ti Polrestabes Kota Bandung sareng Pa Kemirin Bhabin Kamtibmas ti Polsek Lengkong nu janten petugas keamanan dina kagiatan UNBK taun 2017
Sobat Sora sanajan hasil UNBK téh teu mangaruhan kana hasil kelulusan, lain hartina jadi disapirakeun. Tetep éta kagiatan téh boga ajén nu penting, utamana keur nuluykeun ka perguruan tinggi, sarta keur ngalamar gawé atawa asup ka TNI jeung Polisi. Da salah sahiji syaratna téh kudu hadé peunteun UNBK-na téh. [MS]***
